Единая база вакансий гражданской и муниципальной службы
Смотреть вакансии →
Укытучылар көне – шәһәребез өчен төп бәйрәмнәрнең берсе, ул ел саен 5 октябрьдә билгеләп үтелә. Педагогларны һөнәри бәйрәмнәре белән муниципаль берәмлек башлыгы урынбасары Ирина Сәгыйдуллина, Башкарма комитет җитәкчесе урынбасары Рамил Хәлимов һәм мәгариф идарәсе башлыгы Рөстәм Хуҗин котлады.
Автозавод районында Укытучылар көне һөнәри бәйрәменә багышланган «Автозавод районы мәгариф лидерлары» белем бирү учреждениеләре иң яхшы җитәкчеләре һәм педагогик хезмәткәрләренең Мактау тактасын яңарту тантанасы булды. Быел гомуми, мәктәпкәчә һәм өстәмә белем бирү буенча конкурс комиссиясенә 37 кандидат тәкъдим ителде. Комиссия педагогларның мәгариф системасына керткән шәхси өлешен, һөнәри осталык конкурсларында җиңүләрен, республика һәм шәһәр олимпиадаларында, конкурсларда, күргәзмәләрдә һәм конференцияләрдә югары күрсәткечләрне исәпкә алды.
Быелгы ел - Сидоровка бистәсендә урнашкан 9нчы урта мәктәп өчен юбилей елы. Аның оешуына нәкъ 50 ел тула. Бу вакыйга хөрмәтенә бүген, Укытучылар көнендә, мәктәп ишегалдында агачлар утырту оештырылды. Комсомол районы башлыгы вазыйфаларын башкаручы Фидарис Хәбибуллин, Шәһәр Советы депутаты Рубин Бадиков, укытучылар, ата-аналар һәм укучылар белән бергә 50 чыршы утырттылар. Утыртылган агачларны мәктәп укучылары караячак.
Бүген Яр Чаллы шәһәренең Тантаналар сараенда Александр һәм Валентина Граньның никахларын теркәү тантанасы булды. Александр һәм Валентина инде 16 ел таныш. Александр мобилизацияләнгән, хәзер Казанда хәрби әзерлек уза. Яшь пар язылышу өчен махсус Яр Чаллыга килде.
Шәһәрнең өч районы администрациясе хезмәткәрләре махсус хәрби операциядә катнашучы хәрби бурычлыларның гаиләләренә йөриләр. «Без барыбер хезмәт итәргә тиеш, кемдер Ватанны якларга тиеш. Мин читтә кала алмыйм", - дип улының фикерләре белән уртаклашты Татьяна Петровна Паймухина. Константин махсус хәрби операциядә катнашу өчен июль аенда үз теләге белән киткән.Аның инде хәрби тәҗрибәсе бар - армиядә 2006 елда булып кайткан, контракт буенча 1,5 ел ракета гаскәрләрендә артиллерист булып эшләгән.
