Единая база вакансий гражданской и муниципальной службы
Смотреть вакансии →
Бүген шәһәр мэры катнашындагы аппарат киңәшмәсендә Сәламәтлек саклау идарәсенең яңа башлыгы Рөстәм Ногманов тәкъдим ителде. Ул элек Александр Николаевның урынбасары булып эшләде. Рөстәм Ногманов Чаллыда туган, КДМУны тәмамлаган. Ул үз эшчәнлеген санитар табиб булып башлый, 5 нче шәһәр хастаханәсендә табиб, сәламәтлек саклау идарәсе җитәкчесе урынбасары булып эшли. Өйләнгән, 4 бала атасы.
Бүген шәһәр мэры Наил Мәһдиев катнашындагы аппарат киңәшмәсе барышында Шәһәр хуҗалыгы һәм халык көнкүрешен тәэмин итү идарәсенең яңа башлыгы тәкъдим ителде. Руслан Флерович улы югары белемле 2012 елда Кама дәүләт инженер-икътисад академиясен «Икътисад һәм предприятиедә (шәһәр хуҗалыгында) идарә итү» белгечлеге буенча тәмамлаган, икътисадчы-менеджер.
Яр Чаллы шәһәрендә Яр буе паркы районында спорт ориентирлашуы буенча "Камский Азимут-2023" ярышлары узды. Ярышларда ориентирлашу профессионаллары гына түгел, ә спорт сөючеләр дә, шулай ук үзләрен бу мавыктыргыч шөгыльдә сынап карарга теләүчеләр дә катнашты. Гомумән алганда, стартка 1500дән артык кеше чыкты. Һәр төркемнең җиңүчеләре медальләр, дипломнар, кубок белән бүләкләнә.
Халыкара гаилә көне алдыннан Чаллы шәһәренең Тантаналар сарае территориясендә җиде пар яхшы традицияне дәвам итеп агачлар утырттылар. ЗАГС идарәсе башлыгы Равилә Зарипова яңа өйләнешкәннәргә яшь гаиләләренең үсүен һәм утыртылган агач кебек ныгуын теләде.
2019 елдан президент Владимир Путинның «Май Указлары» нигезендә Россиядә илнең стратегик үсешендә 14 юнәлешен үз эченә алган төрле илкүләм проектлар гамәлгә ашырыла, алар: «Демография», «Сәламәтлек саклау», «Туризм һәм кунакчыллык индустриясе», «Мәгариф», «Экология», «Фән һәм университетлар», «Мәдәният», «Торак һәм шәһәр мохите», «Хезмәт җитештерүчәнлеге», "Кече һәм урта эшмәкәрлек", "Имин һәм сыйфатлы юллар", "Цифрлы икътисад, транспорт инфраструктурасын модернизацияләү", "Халыкара кооперация һәм экспорт".
