Единая база вакансий гражданской и муниципальной службы
Смотреть вакансии →
«КАМАЗ» акционерлык җәмгыяте уңышлы эшли. Биредә ел ахырына кадәр 42 мең йөк машинасы җитештерергә планлаштырыла. Бүгенге көндә 40 меңгә якын үзмәшгуль үз эшен уңышлы адып бара. Эшмәкәрләр саны узган ел белән чагыштырганда 5,3%ка артып 27 меңгә җитте. Бу өлкәдә барлыгы 124 меңнән артык кеше эшли.
«Чаллыда бизнес өчен уңайлы шартлар тудыру өчен сәнәгать һәм индустриаль паркларны алга таба үстерү буенча эш алып барыла» , – дип билгеләп үтте Шәһәр Советының чираттагы утырышы барышында Наил Мәһдиев.
Шәһәр Хакиме Наил Мәһдиев Чаллы икътисадының үсештә булуын ассызыклады. Моңа кече һәм урта эшмәкәрлек объектлары зур өлеш кертте. ТОР резидентлары да уңышлы эшли. 45 резидентның 69%ы Чаллы предприятиеләре. Алар бюджетка 16 млрд 700 млн сум салым түләде.
Бүген Шәһәр Советының чираттагы сессиясе барышында шәһәр Хакиме Наил Мәһдиев бер еллык эш нәтиҗәләре буенча мәгълүмат белән чыгыш ясады. Анда шәһәрнең хәрби хезмәткәрләргә, аларның гаиләләренә һәм Лисичанск шәһәре кешеләренә күрсәткән ярдәм чаралары турында искә алынды. Махсус хәрби операция зонасына һәм Лисичанск шәһәренә җибәрелгән шефлык һәм гуманитар ярдәм күләме бүген 700 тоннадан артып китте.
Бүген «Теләкләр чыршысы» акциясе кысаларында Башкарма комитет җитәкчесе Фәрид Салахов ике яшь баланың хыялларын тормышка ашырды. Ул да бу акциядә катнашты. Яңа ел бүләкләрен 15 яшьлек Элина һәм 7 яшьлек Самир алды.
