Единая база вакансий гражданской и муниципальной службы
Смотреть вакансии →
РФ Дәүләт Думасында "Туу тарихы" күргәзмәсе узды. Күргәзмә фотограф Диләрә Эстринаның «Нацпроекты: Татарстан - 2021» конкурсы кысаларында җиңүче һәм Россия Федерациясе Федераль Җыены Дәүләт Думасының гаилә, хатын-кызлар һәм балалар мәсьәләләре комитеты ярдәме белән барлыкка килде.
69 микрорайонда 340 урынга исәпләнгән яңа балалар бакчасы төзелә. Шәһәр мэры Наил Мәһдиев бинада булды, төзелеш эшләренең барышын бәяләде.
Шәһәр мэры Наил Мәһдиев Чаллыда төзелә торган 57 нче гимназия бинасында булды. Барлык конструктив эшләр 100%, түбә 80%, фасад һәм бизәү 50%, вентиляция 70%, инженерлык челтәрләре 65%, төзекләндерү 35%ка башкарылган. Шәһәрнең баш архитекторы Мәлика Шәмсиева билгеләп үткәнчә, яңа мәктәп төзелешендә кулланыла торган барлык материаллар иң заманчалары.
Чаллы педагогия университетына 33 яшь тулды.Традиция буенча, үзенең туган көне хөрмәтенә университет «Студентлар Сабантуе» оештыра, ул барлык факультет студентларын бер майданда берләштерә. Университет каршындагы мәйданчыкта тантаналы ачылыш булды, ул «Шкырт» бию коллективының татар популяр көйләре астында чыгыш ясавы белән башланып китте. Университет ректоры Әлфинур Галиакберова бөтен коллективка бәйрәм кәефе һәм милли уеннарда актив катнашу теләде. Бәйрәм кунагы-физик культура һәм спорт идарәсе башлыгы Роман Насрединов та сәламләү сүзе белән чыгыш ясады. Ул уку йорты ректорына ГТОның алтын билгесен тапшырды.
«Заман» яшьләр үзәге каршында эшләп килүче «Күңелле ноталар» вокаль студиясенең отчет концерты булды. "Бәхетле балачак" концерты Халыкара балаларны яклау көненә багышланды. Бәйрәм концертында "Заман" яшьләр үзәгенең "Күңелле ноталар" вокаль студиясе тәрбияләнүчеләре чыгыш ясады.
