Единая база вакансий гражданской и муниципальной службы
Смотреть вакансии →
Татарстанда Экология һәм табигать ресурслары министрлыгының 30 еллыгына багышланган экология рәсемнәренә конкурс башланды. Анда мәктәпкәчә яшьтәге балалар һәм 1-11 сыйныф укучылары катнаша ала. Конкурста катнашучылар түбәндәге темаларга рәсемнәрен тәкъдим итәргә мөмкин: «Саклана торган үсемлекләр һәм хайваннар», «Эколог һөнәре», «Шәһәрнең экологик мохите», «Планетаның киләчәге».
Россия Федерациясе Президенты Владимир Путин һәм шәһәр мэры Наил Мәһдиев исеменнән 90 яшьлек юбилее уңаеннан тыл хезмәтчәне, Автозавод районында яшәүче Мөхәммәтназыйм Сәлим улы Сәлимов котлаулар кабул итте. Ул 1932 елның 15 мартында Татарстанның Минзәлә районы Дусай-Кичү авылында күп балалы крестьян гаиләсендә туа. 1939 елда 1 нче сыйныфка укырга керә, урта мәктәпнең 6 нчы сыйныфын тәмамлый. Бөек Ватан сугышы елларында колхозда эшли, төрле эшләр башкара: басуда чүп үләннәре утый, бодай чәчә, фронтны азык-төлек белән тәэмин итә. Аннан тракторчы һөнәрен үзләштерә.
Бүген Министрлар Кабинетында узган брифингта Татарстан Республикасында азык-төлек иминлеген тәэмин итү турында сөйләштеләр. Спикерлар – Татарстан Республикасы Премьер-министры урынбасары, Татарстан Республикасы авыл хуҗалыгы һәм азык-төлек министры Марат Җәббаров һәм Татарстан Республикасының сәнәгать һәм сәүдә министры урынбасары Герман Лернер .
16 мартта 9:00дән 14:00гә кадәр Җиңүнең 40 еллыгы урамы белән Яшьлек проспекты киселешендә, шулай ук Мәскәү һәм Яшьлек проспектлары киселешендә светофорлар сүндереләчәк. Эшне чикләү ремонт эшләре белән бәйле.
Кичә Яр Чаллыда «КАМАЗ» ААҖ чакыруы буенча Россия Федерациясенең халык артисты, Иветта Воронова исемендәге «Яңа исемнәр» Хәйрия фонды Президенты Денис Мацуев һәм Татарстан Республикасы Дәүләт симфоник оркестры «КАМАЗ-мастер» спорт командасы хөрмәтенә концерт бирделәр.
